भोली यी क्षेत्रहरुमा चक्काजाम हुने


लामो समयदेखि सडक निर्माण नभएको भन्दै चाबहिलका स्थानीयले (जोरपाटी, सुन्दरीजल, जोरपाटी(साँखु खण्डको सडकमा चक्का जामको घोषणा गरेको छ । समता मानव अधिकार तथा नागरिक समाजले २०७२ सालदेखि सम्झौता गर्ने ठेकेदारले हालसम्म काम नगरेको भन्दै बाटो बन्द गर्ने निर्णय गरेको हो । असार २० गते वुधबार चक्काजाम गर्ने घोषणा भएको हो । जनताको स्वास्थ्यमा प्रभाव पार्नेगरी निर्माण कार्य रोकिएको भन्दै दवाव स्वरुप चक्का जामको घोषणा गरेका ह्ुन् । पानी पर्दा हिलो र घाम लाग्दा धुलोको सिकार हुनुपरेको भन्दै आन्दोलनमा स्थानीय उत्रने भएको हो ।
गत शुक्रबार र शनिबार यस क्षेत्रका स्थानीयले सडकमा उत्रिएर सडक निर्माणका लागि दवाव दिन कार्यक्रम गरेका थिए । शुक्रबार सडक कविता वाचन गरिएको थियो भने शनिबार विरोध सभाको आयोजना भएको थियो। त्यति मात्र होइन सडकमा नै रोपाई समेत गरेर सरकारको ध्यानर्षण गराएको थियो ।