शनिबार दिनभरी बत्ती बन्द

११ केभी प्रसारण लाइनको मर्मतसम्भारका लागि ठमेल लगायतका क्षेत्रमा आज विद्युत आपूर्ति बन्द गरिएको छ । ११ केभी प्रसारण लाइन अन्तर्गत लैनचौर फिडरको ‘प्रिभेन्टिभ मेन्टिनेन्स’का लागि आज विहान ८ बजेदेखि सा“झ ५ बजेसम्म विद्युत आपूर्ति बन्द हुने गरी काम भैरहेको नेपाल विद्युत प्राधिकरणको रत्नपार्क वितरण केन्दले जनाएको छ । त्यस फिडरबाट विद्युत आपूर्ति भइरहेका लैनचौर दुग्ध विकास संस्थान अगाडिको गणेश मन्दिर, ठमेल जाने चोक, पुरानो नेपाली चुलो, हिटी पोखरी, जय नेपाल हल, हात्तिसार क्षेत्रमा विद्युत आपूर्ति बन्द छ । त्यस्तै, नक्साल नारायण चौर, प्रहरी हेड क्वार्टर, भू“डे गणेश, टंगाल स्कुल, नक्साल भगवती मन्दिर, मल्ल होटल अगाडि हु“दै अमृत साइन्स क्याम्पस आसपासका स्थानमा भने विद्युत आपूर्ति हुने रत्नपार्क वितरण केन्द्रले जनाएको छ